Ўзбекистон туманида тилла-тақинчоқларни алдов йўли билан қўлга киритган аёлга жиноят иши қўзғатилди
Ўзбекистон тумани. М.О ИИБга мурожаат қилиб, унда 2022 йилнинг 19 июнь куни номаълум аёл ишончига кириб, Бозор-яйпан маҳалла ҳудудида жойлашган буюм бозорида сотмоқчи бўлган тилла-тақинчоқларни 12.150 АҚШ долларига сотиб олишга келишиб, тақинчоқларни олиб кетиб, берган ваъдасини бажармасдан тилла- тақинчоқларни алдов йўли билан қўлга киритганлигини маълум қилган.
Мазкур ҳолат юзасидан Ўзбекистон тумани ИИБ ҳузуридаги тергов бўлими томонидан Жиноят кодексининг 168-моддаси 1-қисми (фирибгарлик) билан жинояти иши қўзғатилган.
Олиб борилган тезкор-суриштирув ишлари давомида, ушбу жиноятни Ҳ.Г исмли аёл содир этганлиги аниқланиб, тергов ҳаракатлари олиб борилмоқда.
Фирибгарлик қонунга асосан жиноий жавобгарликка сабаб бўлишини эсдан чиқарманг.
Юқорида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
