Меҳмонхонадан пул ва ҳужжатларни ўғирлаган шахс аниқланди
Фарғона шаҳар. Фуқаро Х.З ИИБга мурожаат қилиб, унда 28 сентябрь куни номаълум шахс С.Темур кўчасида жойлашган меҳмонхонасини дам олиш хонасига ғайриқонуний равишда кириб, 14.000.000 сўм пуллари ҳамда ҳужжатларини ўғирлаб, ҳодиса жойидан яширинганлигини маълум қилган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан жиноят кодексининг 169-моддаси 2-қисми “г” банди (ўғирлик) билан жиноят иши қўзғатилган.
Олиб борилган тезкор-суриштирув ишлари давомида, ушбу жиноятни вояга етмаган Т.Д содир этганлиги аниқланиб, унга нисбатан суд томонидан “қамоққа олиш” тарзидаги эҳтиёт чораси қўлланилган.
Ҳурматли фуқаролар, ўз мол-мулкингиз, пул маблағларингизни эҳтиёт қилинг!
Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
