Интернет ижтимоий тармоқларида тарқалган Фарғона туманида бир нечта фуқароларнинг ўзаро жанжаллашганлиги акс этган видеохабар Фарғона вилояти ИИБ томонидан ўрганиб чиқилди
Маълум бўлишича, жорий йилнинг 07 октябрь куни 3 нафар фуқаролар Водил шаҳарчасидаги савдо дўконда навбат талашиб, ўзаро жанжаллашиб кетишган.
Мазкур ҳолат юзасидан Фарғона тумани ИИБ томонидан фуқаролар Р.М., А.Н,ларнинг ҳаракатларида Маъмурий жавобгарлик тўғрисидаги кодекснинг 52-моддаси 2-қисми ҳамда А.Ш.нинг ҳаракатларида 183-моддасида кўрсатилган маъмурий ҳуқуқбузарликлар мавжудлиги аниқланиб, уларга нисбатан маъмурий тартибда ҳужжатлар расмийлаштирилиб, тегишли тартибда жиноят ишлари бўйича Фарғона туман судига юборилган.
Видеотасвирдаги ИИО ходимларининг хатти-ҳаракатлари юзасидан уларга нисбатан хизмат текшируви тайинланган.
Фуқароларимиздан интернет ижтимоий тармоқларида тарқалаётган маълумотларга расмий муносабат билдирилмасдан туриб, турли ноўрин хулосаларга бормасликларини сўраб қоламиз!
Фарғона вилояти ИИБ Ахборот хизмати
