Фарғона шаҳрида аёл томонидан вақтинча фойдаланиш учун олинган уяли телефон аппарати қайтиб берилмади
Фарғона шаҳри. 2021 йилнинг 14 декабрь куни фуқаро Х.Н ИИБга мурожаат қилиб, унда 2021 йилнинг август ойида номаълум аёл ишончига кириб, нархи 1.000.000 сўмлик “РедМи-6” русумли уяли телефон аппаратидан вақтинча фойдаланиб, сўнг қайтариб беришини айтиб, берган ваъдасини бажармасдан алдов йўли билан уяли телефон аппаратини қўлга киритиб, ҳодиса жойидан кетиб юборганлигини билдирган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни Ж.Г исмли аёл содир этганлиги аниқланиб, тергов ҳаракатлари олиб борилмоқда.
Фирибгарлик қонунга асосан жиноий жавобгарликка сабаб бўлишини эсдан чиқарманг.
Юқорида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
