10 Март 2023 йил
193
Бувайда туманида кучли таъсир қилувчи воситани сақлаб келаётган шахс фош бўлди
Бувайда тумани. 2023 йилнинг 06 февраль куни туман ИИБ ЖҚБ ходимлари томонидан ўтказилган тезкор тадбир давомида, Бувайда қишлоғида яшовчи М.О.нинг ёни холислар иштирокида кўздан кечирилганда, ёнидан 9 дона қизил рангли халтачага солинган альфа-пирролидиновалерофенон гиёҳвандлик воситаси борлиги аниқланиб, далилий ашё тариқасида олинган.
Мазкур ҳолат юзасидан Бувайда тумани ИИБ ҳузуридаги тергов бўлинмаси томонидан Жиноят кодексининг 276-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Жиноят кодексининг 276-моддаси 2-қисми “а” бандида кўрсатилган жиноятни содир этган шахс 5 йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
