22 Феврал 2023 йил
417
Бувайда туманида “кўкнори сомони” гиёҳвандлик моддасини хонадонида сақлаган шахс аниқланди
Бувайда тумани. 11 февраль куни туман ИИБ ЖҚБ ходимлари томонидан ўтказилган тадбир давомида, Қўнғироқ маҳалла ҳудудида яшовчи Ғ.Ғ.нинг яшаш хонадони холислар иштирокида кўздан кечирилганда, омборхонасидан 1 дона қопда қуруқ ҳолатдаги ва 1 литр хажмдаги банкада “кўкнори сомони” гиёҳвандлик моддалари сақлаб келаётганлиги аниқланиб, далилий ашё тариқасида олинган.
Мазкур ҳолат юзасидан Бувайда тумани ИИБ ҳузуридаги тергов бўлинмаси томонидан Жиноят кодексининг 276-моддаси 2-қисми “а” банди билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Жиноят кодексининг 276-моддаси 2-қисмида кўрсатилган жиноятни содир этган шахс 5 йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
