Tanlov tadbirlari Oʻzbekiston Respublikasining “Ichki ishlar organlari toʻgʻrisida”gi Qonuni va Oʻzbekiston Respublikasi Prezidentining 2021-yil 15-apreldagi PQ-5076-son qaroriga muvofiq tasdiqlangan Ichki ishlar vazirligi Malaka oshirish institutining Kasbiy tayyorgarlik fakultetiga qabul qilish tartibi toʻgʻrisidagi Nizom talablari asosida oʻtkaziladi.

Ichki ishlar vazirligi Malaka oshirish instituti kasbiy tayyorgarlik fakultetining Maxsus operatsiyalarni amalga oshirish faoliyati, Yo‘l-patrul faoliyati yo‘nalishlariga 2025-o‘quv yili uchun oʻqishga qabul qilish belgilangan.
- Maxsus operatsiyalarni amalga oshirish faoliyatiga (o‘rta, o‘rta-maxsus, oliy ma’lumotga ega bo‘lgan, jismoniy tayyorgarlik darajasi yuqori, qoʻl jangi usullarini mukammal oʻzlashtirgan boʻlishi), boʻyi 170 sm.dan past boʻlmagan erkaklar;
- Yo‘l-patrul faoliyatiga (Tegishli mutaxassislik bo‘yicha Oliy ma’lumotga ega bo‘lgan), bo‘yi 175 sm.dan past bo‘lmagan erkaklar qabul qilinadi.

Nomzodlarga qoʻyilgan talablar:
- Oʻzbekiston Respublikasi fuqarosi boʻlishi;            
- Yashash manzili boʻyicha Fargʻona viloyatida doimiy roʻyxatda turishi;
- Yoshi 18 yoshdan kichik, 30 yoshdan katta boʻlmagan boʻlishi;
- Muddatli yoki safarbarlik chaqiruv rezervidagi harbiy xizmatni oʻtagan boʻlishi.
- Oliy, oʻrta maxsus yoki oʻrta ma’lumotga ega boʻlgan fuqarolar hamda ichki ishlar organlari xodimlari qabul qilinadi.

Kasbiy tayyorgarlik fakultetiga o‘qishga kirish istagida boʻlgan fuqarolar quyidagi hujjatlari bilan kelishlari soʻraladi:

- biometrik pasport yoki identifikatsiya ID-kartasi doimiy yashash manzili bilan;
- harbiy guvohnoma (asl nusxasi);
- oliy, oʻrta maxsus yoki oʻrta ma’lumotini tasdiqlovchi diplom, shaxodatnoma ilovasi (asl nusxasi);
- yaqin qarindoshlarning (ota-ona, aka-uka, opa-singil,) biometrik pasporti yoki identifikatsiya ID-kartasi (nusxasi);
- ish joyidan (ishlayotgan boʻlsa) tavsifnoma;
- nomzod tomonidan qoʻlda yoki kompyuterda yozilgan tarjimai hol;
- anketa-ma’lumotnoma;
- belgilangan namunadagi sogʻligʻining holati haqida ma’lumotnoma (boʻyining balandligi boʻyicha antropometrik parametri koʻrsatilgan holda)

            

Ichki ishlar vazirligi Malaka oshirish institutining Kasbiy tayyorgarlik fakultetida oʻqish istagida boʻlgan fuqarolar 2024-yil 16-dekabr kunidan
2025-yil 16-yanvar kuniga qadar (soat 08:30dan 18:00gacha) doimiy yashash manzili boʻyicha Ichki ishlar boʻlimlariga murojaat etishlari soʻraladi.

 

Eslatma: Belgilangan kundan keyin murojaat etgan nomzodlar roʻyxatiga kiritilmaydi.
         
Nomzodlar qoʻshimcha ma’lumotlarni telegram ijtimoiy tarmogʻidagi fviib.uz manzili orqali bilib olishlari mumkin.

 

Murojaat uchun tel: 73.244-15-56