2024 yil 28 avgust kuni “O‘zbekiston Respublikasi ma’muriy javobgarlik to‘g‘risidagi kodeksning 185 prim 1-moddasiga qo‘shimcha kiritish haqida”gi O‘RQ-949-son Qonuni qabul qilindi.

Ushbu Qonun bilan O‘zbekiston Respublikasining MJtKga pirotexnika buyumlarini qonunga xilof ravishda ishlab  chiqarganlik, tayyorlaganlik, saqlaganlik, tashiganlik, jo‘natganlik  va O‘zbekiston Respublikasidan olib chiqqanlik, shuningdek pirotexnika buyumlarini qonunga xilof ravishda o‘tkazganlik yoki O‘zbekiston Respublikasiga olib kirganlik uchun mazkur huquqbuzarliklarning ijtimoiy xavflilik xususiyati va darajasidan kelib chiqqan holda javobgarlik choralari kuchaytirilishini nazarda tutuvchi o‘zgartirishlar kiritildi.

Alohida e’tibor, MJtKning 248-moddasiga kiritilgan qo‘shimchalarga asosan, ichki ishlar organlari nomidan ushbu kodeksning 185 prim 1-moddasida nazarda tutilgan ma’muriy huquqbuzarliklar aniqlangan taqdirda, ichki ishlar organlari tayanch punktlarining profilaktika katta inspektorlari va inspektorlari ma’muriy huquqbuzarlik to‘g‘risidagi bayonnoma tuzish vakolati berildi.

Jumladan, MJtKning 185 moddasi prim 1-moddasida “Pirotexnika buyumlaridan qonunga xilof ravishda foydalanish,

huquqbuzarlik ashyolarini musodara qilib, bazaviy xisoblash miqdorining besh baravaridan yigirma baravarigacha miqdorda jarima solishga sabab bo‘ladi.

Pirotexnika buyumlarini qonunga xilof ravishda ishlab chiqarish, tayyorlash, saqlash, tashish, jo‘natish, xuddi shuningdek ularni qonunga xilof ravishda O‘zbekiston Respublikasidan olib chiqish,
huquqbuzarlik ashyolarini musodara qilib, bazaviy xisoblash miqdorining o‘n besh baravaridan o‘ttiz baravarigacha miqdorda jarima solishga sabab bo‘ladi.

Pirotexnika buyumlarini qonunga xilof ravishda o‘tkazish yoki O‘zbekiston Respublikasiga olib kirish,

huquqbuzarlik ashyolarini musodara qilib, bazaviy xisoblash miqdorining yigirma besh baravaridan ellik baravarigacha miqdorda jarima solishga sabab bo‘ladi” mazmunda belgilandi.

Hurmatli yurtdoshlar, qonun talablariga rioya qilmaslik belgilangan tartibda javobgarlikka sabab bo‘lishidan ogohlantiramiz!

Farg‘ona viloyati IIB viloyati ichki ishlar boshqarmasi.