Uchkoʻprik tumanida “marixuana” giyohvandlik moddasi saqlab kelayotgan shaxs aniqlandi
Uchkoʻprik tumani. 14-sentabr kuni tuman IIB xodimlari tomonidan oʻtkazilgan tezkor tadbir davomida, Bekobod MFY hududida yashovchi S.A.ni yashash xonadoni xolislar ishtirokida koʻzdan kechirilganda, hovlisidagi soʻridagi toʻshaklar orasida va molxonasida “marixuana” giyohvandlik moddasi saqlab kelayotganligi aniqlanib, daliliy ashyo tariqasida olingan.
Holat yuzasidan Uchkoʻprik tumani IIB huzuridagi tergov boʻlimi tomonidan Jinoyat kodeksining 276-moddasi 2-qismi “a” bandi bilan jinoyat ishi koʻzgʻatilib, tergov harakatlari olib borilmoqda.
Hurmatli fuqarolar! Giyohvandlik moddalarni iste’mol qilish sogʻligʻingiz uchun xavfli ekanligini, uni saqlash qonunga xilofligi va jinoiy javobgarlikka sabab boʻlishini esdan chiqarmang.
Eslatib oʻtamiz, Jinoyat kodeksining 276-moddasi 2-qismida koʻrsatilgan jinoyatni sodir etgan shaxs besh yilgacha ozodlikdan mahrum qilish bilan jazolanishi mumkin.
Fargʻona viloyati IIB Axborot xizmati
