Savdo markazidagi rasta ustida qarovsiz qoldirilgan pullarni oʻgʻirlagan shaxs fosh boʻldi
Qoʻqon shahar. Fuqaro T.S IIBga murojaat qilib, unda 05-oktabr kuni noma’lum shaxs, Navbahor koʻchasida joylashgan “Risq-baraka” savdo kompleksida rasta ustida qarovsiz qoldirgan 1.115.000 soʻm pullarni oʻgʻirlab, hodisa joyidan yashiringanligini bildirgan.
Mazkur holat yuzasidan Qoʻqon shahar IIB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni voyaga yetmagan T.N ismli ayol sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
