Oltiariq tumanida “koʻknori somoni” giyohvandlik moddasini saqlab kelayotgan shaxs aniqlandi
Oltiariq tumani.18-may kuni tuman IIB xodimlari tomonidan oʻtkazilgan tezkor tadbir davomida, Qahramon mahalla hududida yashovchi P.M.ning yashash xonadoni xolislar ishtirokida koʻzdan kechirilganda, omborxonasida “koʻknori somoni” giyohvandlik moddasini saqlab kelayotganligi aniqlanib, daliliy ashyo tariqasida olingan.
Mazkur holat yuzasidan Oltiariq tumani IIB huzuridagi tergov boʻlimi tomonidan Jinoyat kodeksining 276-moddasi 2-qismi “a” bandi bilan jinoyat ishi qoʻzgʻatilib, tergov harakatlari olib borilmoqda.
Hurmatli fuqarolar! Giyohvandlik moddalarini iste’mol qilish sogʻligʻingiz uchun xavfli ekanligini, uni saqlash qonunga xilofligi va jinoiy javobgarlikka sabab boʻlishini esdan chiqarmang.
Eslatib oʻtamiz, Jinoyat kodeksining 276-moddasi 2-qismida koʻrsatilgan jinoyatni sodir etgan shaxs 5-yilgacha ozodlikdan mahrum qilish bilan jazolanishi mumkin.
Fargʻona viloyati IIB Axborot xizmati
