“Lasetti”rusumli avtomashina salonida boʻlgan pul va buyumlarni oʻgʻirlagan shaxs ushlandi
Qoʻqon shahar.Fuqaro M.J IIBga murojaat qilib, unda 2022-yilning 05-sentabr kunidan 06-sentabr kuniga oʻtar kechasi, noma’lum shaxs Huqandiy mavzesi 133-sonli koʻp qavatli uy oldida qarovsiz qoldirgan “Lasetti”rusumli avtomashinasi salonidan narxi 1.300.000 soʻmlik antiradar qurilmasi, 13.000.000 soʻm pullari va 2.000.000 soʻmlik “Samsung A3” rusumli uyali telefon apparatini yashirin ravishda oʻgʻirlab, hodisa joyidan yashiringanligini ma’lum qilgan.
Mazkur holat yuzasidan Qoʻqon shahar IIB huzuridagi tergov boʻlimi tomonidan jinoyat kodeksining 169-moddasi 1-qismi bilan jinoyat ishi qoʻzgʻatilgan.
Olib borilgan tezkor surishtiruv ishlari davomida, ushbu jinoyatni X.R sodir etganligi aniqlanib, protsessual tartibda ushlangan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
