16 Oktyabr 2021 yil
409
Fargʻona viloyatida tergovdan yashiringan shaxslar qoʻlga tushdi
15-oktabr kuni Fargʻona viloyati IIB JQB xodimlari Jinoyat kodeksining 168-moddasi 2-qismida (firibgarlik) koʻrsatilgan jinoyatni sodir etib, Fargʻona shahar IIO FMB huzuridagi tergov boʻlimi tomonidan qidiruv e’lon qilingan M.Q.ni qoʻlga olishdi.
Bundan tashqari, Bagʻdod tumani IIB xodimlari Jinoyat kodeksining 169-moddasi 1-qismida (oʻgʻirlik) koʻrsatilgan jinoyatni sodir etib, Bagʻdod tumani IIB huzuridagi tergov boʻlimi tomonidan qidiruv e’lon qilingan A.Sh.ni qoʻlga olishdi.
Hurmatli fuqarolar!
Qidiruvdagi shaxslar haqida biror ma’lumotga ega boʻlsangiz, yaqin oradagi ichki ishlar boʻlimlariga xabar bering. Shaxsingiz sir saqlanishi ta’minlanadi.
Fargʻona viloyati IIB Axborot xizmati
