Fargʻona tumanida “Damas” rusumli avtomashina salonidan magnitafon va ovoz kuchaytirgichlarni oʻgʻirlagan shaxs qoʻlga tushdi
Fargʻona tumani. Oqbilol mahalla hududida yashovchi N.R ismli ayol IIBga murojaat qilib, unda 2022-yilning 27-oktabr kunidan 2023-yilning 21-yanvar kunigacha boʻlgan vaqt oraligʻida noma’lum shaxs yashash xonadoni oldida qarovsiz qoldirilgan “Damas” rusumli avtomashinasi salonidan narxi 1.500.000 soʻmlik “Pioner” rusumli magnitafoni va 2 dona ovoz kuchaytirgichlarini yashirin ravishda oʻgʻirilab, hodisa joyidan yashiringanligini bildirgan.
Mazkur holat yuzasidan Fargʻona tumani IIB huzuridagi tergov boʻlinmasi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni voyaga yetmagan A.O sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
