Bugun Xalq deputatlari viloyat Kengashining navbatdagi to‘rtinchi sessiyasi bo‘lib o‘tdi.

Sessiya ishida viloyatdan saylangan Oliy Majlis Senati a’zolari, viloyat Kengashi deputatlari, viloyat sektorlari rahbarlari, viloyat hokimining tegishli o‘rinbosarlari, davlat va jamoat tashkilotlari rahbarlari ishtirok etdilar.

Kun tartibiga ko‘ra,  viloyatimizda huquqbuzarliklarning oldini olish va ularning profilaktikasi holati, shuningdek, jamoat xavfsizligini ta’minlash borasida 2024 yilda amalga oshirilgan ishlar tahlili hamda joriy yilda ko‘riladigan ta’sirchan chora-tadbirlar yuzasidan viloyat ichki ishlar boshqarmasi boshlig‘i generel-mayor Azizbek Ikramovning hisoboti eshitildi.

 Hisobotda qayd etilganidek, yil davomida jinoyatlarni jilovlash va jamoat xavfsizligini ishonchli ta’minlash “Xavfsiz hudud”, “Ahil oila”, “Tig‘”,  “Xavfsiz shahar, osoyishta mahalla” kabi 10 dan ortiq tezkor-profilaktik tadbirlar, aholi o‘rtasida 47 mingdan ortiq targ‘ibot tadbirlari o‘tkazildi.

Viloyat hududida 326 mingta huquqbuzarlik holatlari aniqlanib qonuniy chora ko‘rildi.44 ming 689 nafar shaxslar profilaktik hisobga olinib, ular bilan individual ish tashkil etildi.

Ish va yashash joyi noaniq bo‘lgan 65 nafar shaxslar reabilitatsiya markaziga, 50 nafar voyaga yetmaganlar ijtimoiy va huquqiy yordam ko‘rsatish markaziga joylashtirildi.

Tegishli idoralar bilan birga xotin-qizlar jinoyatini oldini olish maqsadida, 67 ming 337 ta oilalar o‘rganib chiqildi. Jinoyat  sodir etishga moyil ayollar bilan 37 mingdan ortiq profilaktik suhbatlar o‘tkazildi.

Tazyiq va zo‘ravonlik holatlarini oldini olish maqsadida 4 ming 397 nafar xotin-qizlarga “Himoya orderi” berildi, 905 nafar xotin-qizlar tuzalish dasturiga yo‘naltirildi.

Shuningdek, sessiyada boshqarma boshlig‘i deputatlarning mavzuga oid savollariga ham javob qaytardi.

Viloyat IIB Axborot xizmati.