Qo‘qon shahrida sayyor sud o‘tkazildi
Farg‘ona viloyati IIB boshlig‘ining farmoyishi ijrosi yuzasidan viloyat IIB Probatsiya boshqarmasi boshlig‘i va shahar IIB rahbariyati tomonidan Qo‘qon shahar IIB hisobida jazo muddatini o‘tab kelayotgan nazoratdagi shaxslar bilan uchrashuv va sayyor sud majlisi tashkil etildi.
Uchrashuvda nazoratdagi shaxslar bilan qayta jinoyat sodir etmaslik, ularning ijtimoiy hayotga moslashishlari uchun davlatimiz tomonidan yaratib berilayotgan imkoniyatlar haqida suxbatlashilib, “Probatsiya to‘g‘risida”gi Qonunning mazmun-mohiyati tushuntirib o‘tildi.
Sayyor sud davomida sud tomonidan tayinlangan jazodan o‘ziga to‘g‘ri xulosa chiqargan va mehnatga halol munosabatda bo‘lib kelayotgan 14 nafar nazoratdagi shaxslar jazodan muddatidan ilgari shartli ozod qilindi.Sud tomonidan tayinlangan jazoni qasddan buzib kelgan 7 nafar shaxslarning jazosi og‘ir turdagi jazolar bilan almashtirildi.
Farg‘ona viloyati IIB Axborot xizmati
