Қўқонда “Neхia R3”дан ўғирлик қилган шахсга жиноят иши қўзғатилди
Қўқон шаҳри. Муқимий кўчасида яшовчи Т.Ш. ИИОга мурожаат қилиб, яшаш хонадони олдида қаровсиз қолдирилган “Neхia R3” русумли автомашинасини чап олди ойнасини номаълум шахс синдириш йўли билан очиб, салонда бўлган 1 250 АҚШ доллари ва жами нархи 480.000 сўмлик аёллар атирларини ўғирлаб кетганини билдирган.
Мазкур ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 1-қисми (ўғирлик) билан жиноят иши қўзғатилиб, терговга киришилган.
Олиб борилган тезкор қидирув тадбирлари давомида ушбу жиноятни М.Л. содир этганлиги аниқланди.
Эслатиб ўтамиз, Жиноят кодексининг 169-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
