Тошлоқ туманида “Matiz” русумли автомашинасини сотган шахс фирибгарга алданди
Тошлоқ тумани. 2021 йилнинг февраль ойида П.А. Қ.Д.нинг ишончига кириб, сотмоқчи бўлган “Matiz” русумли автомашинасини 3.700 АҚШ долларига сотиб олишга келишиб, олдиндан 100 АҚШ долларини бериб, қолган 3.600 АҚШ долларини бир ой муддатда беришни айтиб, берган ваъдасини бажармасдан алдов йўли билан қўлга киритган автомашинани бошқа шахсга сотиб юбориб, пулларни ўз эҳтиёжларига сарфлаб юборган.
Мазкур ҳолат юзасидан Тошлоқ тумани ИИБ ҳузуридаги тергов бўлинмаси томонидан Жиноят кодексининг 168-моддаси 2-қисми “а” банди (фирибгарлик) билан жиноят иши қўзғатилган.
Фирибгарлик қонунга асосан жиноий жавобгарликка сабаб бўлишини эсдан чиқарманг.
Юқорида кўрсатилган жиноятни содир этган шахс беш йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
