16 Ноябр 2024 йил
678
“Маънавият маршрути” лойиҳаси доирасида бир гуруҳ ходимлар тарихий музей ва ҳунармандлар марказига саёҳат қилишди
“Маънавият маршрути” лойиҳаси доирасида, Риштон тумани ИИБ ходимлари “Ҳунармандлар маркази”га сайёҳат қилишди. “Ҳунармандлар маркази” тарихи ва бу ерда жойлашган ёдгорликлар ҳақида ходимларга кенг тушунчалар берилди.
Шунингдек, Марғилон шаҳар ИИБ ходимлари ҳам Марғилон шаҳридаги Увайсий уй-музейига ташриф буюрдилар.
Бу ерда намойишга қўйилган Увайсий ҳаёти ва ижоди билан боғлиқ экспонатлар, китоб ва тарихий фотосуратлар соҳа ходимларида катта таассурот қолдирди.
Музей илмий ходимлари юрт посбонларини қизиқтирган саволларга атрофлича жавоб беришди.
Ушбу сайёҳатлар ички ишлар органлари ходимлари қалбида адабиётга, китобхонликка бўлган муҳаббатни янада юксалтирди.
Фарғона вилояти ИИБ Ахборот хизмати
