Тошлоқ туманида ҳам соҳа ходимларининг касб байрами кўтаринкиликда нишонланди
Хабарингиз бор айни кунларда ИИО ходимларининг касб байрамлари жойларда ходимлар ва фаҳрийлар иштирокида нишонланмоқда.
Ана шундай тадбир Тошлоқ туманида ҳам ўтказилди. Унда сектор раҳбарлари туманда хизмат олиб бораётган ходимлар ҳамда фахрийлар иштирок этишди.
Тадбирда, жиноятчилик ва ҳуқуқбузарликларнинг олдини олиш, фуқароларнинг ҳуқуқ ва манфаатларини ҳимоя қилиш ҳамда жамоат хавфсизлигини таъминлаш борасида намунали хизмат қилиб келаётган бир гуруҳ соҳа ходимлари ҳамда уларга елкадош бўлаётган фахрийлар туман ҳокимлиги, туман ИИБ раҳбарияти томонидан мукофотланди.
Эл-юрт тинчлиги йўлида ўз жонидан кечиб, хизмат пайтида қаҳрамонларча ҳалок бўлган ходимлар ёд этилди.
Байрам тадбири юрт посбонларини шарафловчи куй ва қўшиқлар билан давом этди.
Фарғона вилояти ИИБ Ахборот хизмати
