20 Апрел 2020 йил
373
Олтиариқда "Spark" автомашинаси тўқнашув содир этиб, йўловчига тан жароҳати етказди
Олтиариқ тумани. 19 март куни А.Х. бошқарувида бўлган "Spark" русумли автомашинасини Полосонобод кўчасида бошқариб кетаётиб, С.А. бошқарувидаги “Matiz” русумли автомашина билан тўқнашув содир этиши оқибатида йўловчи Х.А. тан жароҳати олиб, шифохонага ётқизилган.
Мазкур ҳолат юзасидан Олтиариқ тумани ИИБ ҳузуридаги тергов бўлинмаси томонидан Жиноят кодексининг 266-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Ҳурматли ҳайдовчилар!
Йўл ҳаракати қоидаларига амал қилинг. Йўл ҳаракати қоидаларига амал қилмаслик орқали ўзингиз ва бошқалар соғлиғига шикаст етказишингиз мумкинлигини эсдан чиқарманг.
Фарғона вилояти ИИБ Ахборот хизмати
