20 Май 2020 йил
411
“Neхia“ да ёнғин чиқди
Дастлабки маълумотларга кўра, жорий йилнинг 20 май куни соат 09:15 ларда Фарғона вилояти, Бувайда тумани, Янгиқўрғон қишлоғи ҳудудида ҳаракатланиб кетаётган ҳайдовчи 1969 й.т. А.А. бошқарувидаги "Neхia" русумли транспорт воситасида электр симларининг қисқа туташуви ёнғинни келтириб чиқарган.
Ёнғин оқибатида тан жароҳати олганлар ва жабрланганлар йўқ.
Мазкур ҳодиса Бувайда тумани ИИБ ҳамда ФВБ ходимлари томонидан текширилмоқда.
Ҳурматли ҳайдовчилар! Сизлардан транспорт воситасининг техник созлигига эътиборли бўлишларингизни, носоз транспорт воситаларини бошқармасликларингизни сўраб қоламиз.
Фарғона вилояти ИИБ Ахборот хизмати
