Фарғонада ИИО аёл ходималари учун миллий марказларга экскурсия ташкил этилди
Фарғона вилояти ИИБ Кадрлар бошқармаси ташаббуси билан Фарғона шаҳар ИИО ФМБда фаолият юритувчи шаходатланган ва профилактика инспектори ёрдамчи аёл ходимлари иштирокида Марғилон шаҳрида жойлашган ҳунармандлар марказига миллий ва замонавий ҳунармандчилик турлари билан таништириш мақсадида экскурсия ташкил этилди.
Марказда Фарғона шаҳар ИИО ФМБда фаолият юритаётган аёл ва қизлар миллий ҳунармандчилигимизнинг адрас, атлас ва ипак гиламлар учун хомашё тайёрлаш, тўқиш жараёнлари билан танишдилар.
Шунингдек, ҳунармандлар маркази дизайнерлари томонидан миллий матолардан тикилган замонавий либослар билан танишиш ҳам уларда миллий ҳунармандчиликка жуда катта қизиқиш уйғотди.
Бундай тадбирларнинг ташкил этилиши Фарғона вилояти ИИО тизимида хизмат қилаётган аёл ва қизларнинг миллий маданияти ва онгининг ривожланиши учун ҳисса бўлиб қўшилади.
Фарғона вилояти ИИБ Ахборот хизмати
