Фарғона вилояти ИИОда хизмат қилаётган ходимлар ўртасида “Энг яхши эксперт-криминалист” кўрик-танловининг вилоят босқичи кўтаринки руҳда ўтказилди
Танловда иштирокчилар учта шарт асосида ўзаро беллашдилар. Дастлаб соҳага доир саволларга жавоб беришган бўлса, қуролларни тўлиқсиз қисмларга ажратиш ва йиғиш шарти орқали эса жанговар шайликларини намойиш этдилар. Сўнгги босқичда ҳар бир эксперт билан якка тартибда суҳбатлар ташкил этилди.
Адолатли ва шаффоф тарзда ўтган танлов якунида фахрли 1-ўринни Марғилон шаҳар ИИБ ЭКГ катта эксперти, капитан Тоҳирхон Иброҳимов, 2-ўринни Қўқон шаҳар ИИБ ЭКГ эксперти, капитан Иззатжон Муҳамадалиев, 3-ўринни эса Олтиариқ тумани ИИБ ЭКГ катта эксперти, капитан Элдор Тиллабоев қўлга киритди.
Ғолиблар махсус диплом ва пул мукофоти билан тақдирландилар.
Вилоят босқичида 1-ўринни қўлга киритган эксперт танловнинг республика босқичида иштирок этиш ҳуқуқига ҳам эга бўлди.
Фарғона вилояти ИИБ Ахборот хизмати
