Фарғона туманида “Lasetti” ва “Cobalt” тўқнашди
Фарғона тумани. 16 апрель куни Х.Н. бошқарувидаги “Lasetti” русумли автомашинасини Лангар маҳалласи ҳудудида бошқариб кетаётиб, қарама-қарши йўналишда ҳаракатланиб келаётган Қ.Қ. бошқарувидаги “Cobalt” русумли автомашина билан тўқнашув содир этиши оқибатида ҳайдовчи Қ.Қ. тан жароҳати олиб, шифохонага ётқизилган.
Мазкур ҳолат юзасидан Фарғона тумани ИИБ ҳузуридаги тергов бўлинмаси томонидан Жиноят кодексининг 266-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Фарғона вилоят ички ишлар бошқармаси ҳайдовчиларни йўл ҳаракати қоидаларига амал қилишга чақириб, қоидаларни бузиш оғир оқибатларни келтириб чиқариши мумкинлиги ҳақида огоҳлантиради.
Фарғона вилояти ИИБ ахборот хизмати
