18 Сентябр 2020 йил
337
Фарғона шаҳрида фуқарони Германия давлатига ишга жўнатишга ёрдам беришларини айтиб, 10.000.000 сўм пулларини алдаб олган шахсларга жиноят иши қўзғатилди
Фарғона шаҳри. 2019 йилнинг октябрь ойида фуқаро А.З. ва И.У.лар бир гуруҳ бўлиб, Р.Л.нинг ишончига киришиб, 10.000.000 сўм эвазига танишларни орқали Германия давлатига ишлаш учун боришида ёрдам беришини айтиб, берган ваъдасини бажармасдан алдов йўли билан қўлга киритган пулларни ўз эҳтиёжларига сарфлаб юборган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси 4-қисми “в” банди (фирибгарлик) билан жиноят иши қўзғатилган.
Фирибгарлик қонунга асосан жиноий жавобгарликка сабаб бўлишини эсдан чиқарманг. Юқорида кўрсатилган жиноятни содир этган шахс ўн йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
