6 Август 2020 йил
379
Бешариқ туманида “Matiz” русумли автомашина велосипедчини уриб юборди
Бешариқ тумани. 05 июль куни Э.Қ. бошқарувидаги “Matiz” русумли автомашинасини Собиртепа-Қияли ҳудудида бошқариб кетаётиб, қатнов қисмини велосипедда кесиб ўтаётган вояга етмаган С.Н.ни уриб юбориши оқибатида С.Н. тан жароҳати олиб шифохонага ётқизилган.
Мазкур ҳолат юзасидан Бешариқ тумани ИИБ ҳузуридаги тергов бўлинмаси томонидан Жиноят кодексининг 266-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Ҳурматли ҳайдовчилар!
Йўл ҳаракати қоидаларига амал қилинг. Йўл қоидаси умр фойдаси эканлигини эсдан чиқарманг. Қоидабузарлик аянчли якун топиши мумкин.
Фарғона вилояти ИИБ Ахборот хизмати
