Автомашинасидан ўғирланган фуқаронинг телефон аппарати топилди
Марғилон шаҳар.Фуқаро А.О ИИБга мурожаат қилиб, унда 2022 йил 04 ноябрь куни номаълум шахс Тошкесар маҳалласида қаровсиз қолдирган “Tico” русумли автомашинасини олд ўриндиғида турган нархи 1.000.000 сўмлик “Redmi А-9” русумли телефон аппаратини яширин равишда ўғирлаб, ҳодиса жойидан яширинганлигини маълум қилган.
Мазкур ҳолат юзасидан Марғилон шаҳар ИИБ ҳузуридаги тергов бўлими томонидан жиноят кодексининг 169-моддаси 2-қисми “а” банди (ўғирлик) билан жиноят иши қўзғатилган.
Олиб борилган тезкор-суриштирув ишлари давомида, ушбу жиноятни М.Ш содир этганлиги аниқланиб, телефон аппарати далилий ашё тариқасида олинган.
Ҳозирда тергов ҳаракатлари олиб борилмоқда.
Ҳурматли фуқаролар, ўз мол-мулкингиз, пул маблағларингизни эҳтиёт қилинг! Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
