Учкўприк туманида қиморхона ташкил этган шахс қўлга олинди
Учкўприк тумани.21 сентябрь куни соат 02:30 ларда ўтказилган тезкор тадбир давомида, Зигир МФЙ ҳудудида яшовчи А.И. яшаш хонадонида 6 нафар шахсларга қимор ўйнашлари учун шароит яратиб берганлиги аниқланиб, улардан ҳайвон суягидан ажратиб олинган 4 дона ошиқ, 10.494.000 сўм пул ва 120 АҚШ долларлари миқдоридаги пуллар далилий ашё тариқасида олинган.
Мазкур ҳолат юзасидан Учкўприк тумани ҳузуридаги тергов бўлими томонидан А.И.га нисбатан Жиноят кодексининг 278-моддаси 1-қисми (қиморхона ташкил этиш) билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Жиноят кодексининг 278-моддаси (қимор ва таваккалчиликка асосланган бошқа ўйинларни ташкил этиш ҳамда ўтказиш)да кўрсатилган жиноятни содир этган шахс етти йилгача озодликдан махрум қилиш билан жазоланади.
Фарғона вилояти ИИБ Ахборот хизмати
