Риштон туманида яшаш хонадонидаги омборхонасида “оғу” сақлаган шахс қўлга тушди
Риштон тумани. 26 февраль куни ўтказилган тезкор тадбир давомида, Меҳнатабод МФЙ ҳудудида яшовчи М.Қ.нинг яшаш хонадони холислар иштирокида кўздан кечирилганда, омборхонасида бир дона целофан пакетга ўралган ҳолатда “марихуана” гиёҳвандлик моддасини сақлаб келаётганлиги аниқланиб, далилий ашё тариқасида олинган.
Ҳолат юзасидан Риштон тумани ИИБ ҳузуридаги тергов бўлинмаси томонидан Жиноят кодексининг 276-моддаси 2-қисми “а” банди билан жиноят иши кўзғатилиб, тергов ҳаракатлари олиб борилмоқда.
Ҳурматли фуқаролар! Гиёҳванд моддаларни истеъмол қилиш соғлиғингиз учун хавфли эканлигини, уни сақлаш қонунга хилофлиги ва жиноий жавобгарликка сабаб бўлишини эсдан чиқарманг.
Эслатиб ўтамиз, Жиноят кодексининг 276-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланиши мумкин.
Фарғона вилояти ИИБ Ахборот хизмати
