Марғилон шаҳрида қиморхона ташкил этган шахс қўлга олинди
Марғилон шаҳри. 17 апрель куни шаҳар ИИБ ЖҚБ ходимлари томонидан ўтказилган тезкор тадбир давомида, Бахрин МФЙ ҳудудида яшовчи У.У. яшаш хонадонида танишлари 6 нафар шахсларга қимор ўйнашлари учун шароит яратиб қиморхона ташкил этганлиги аниқланиб, “ДБК” номли ўйин қартаси, 4 дона суяк ошиқлари, 5 дона ошиқ отиш учун мўлжалланган махсус идиш ва 537.000 сўм пуллар далилий ашё тариқасида олинган.
Мазкур ҳолат юзасидан Марғилон шаҳар ҳузуридаги тергов бўлими томонидан У.У.га нисбатан Жиноят кодексининг 278-моддаси 1-қисми (қиморхона ташкил этиш) билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Жиноят кодексининг 278-моддаси (қимор ва таваккалчиликка асосланган бошқа ўйинларни ташкил этиш ҳамда ўтказиш)да кўрсатилган жиноятни содир этган шахс етти йилгача озодликдан махрум қилиш билан жазоланади.
Фарғона вилояти ИИБ Ахборот хизмати
