Фарғона шаҳрида қаровсиз қолдирилган “Nexia” автомашина салонидан магнитафонни ўғирлаган шахс аниқланди
Фарғона шаҳри. 06 июль куни Коинот кўчасида яшовчи Т.Б. ИИБга мурожаат қилиб, унда 05 июль кунидан 06 июль кунига ўтар кечаси номаълум шахс яшаш уйи олдида қаровсиз қолдирган “Nexia” русумли автомашинасини олд ён ойнасини темир сим ёрдамида очиб, автомашина салонида бўлган нархи 200.000 сўмлик “Daewoo” русумли магнитофонни яширин равишда ўғирлаб кетганини билдирган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 1-қисми билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни вояга етмаган П.С. содир этганлиги аниқланиб, унга нисбатан суд томонидан “қамоққа олиш” тарзидаги эҳтиёт чораси қўлланилган.
Эслатиб ўтамиз, Жиноят кодексининг 169-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланади.
Фарғона вилояти ИИБ Ахборот хизмати
